اوعى تلبس هدومك بلشقلوب

Admin المساهمات : 993 تاريخ التسجيل : 29/04/2018

موقف النهاردة يمكن غريب شوية و أعتقد انه كلكم تعرفوه أو أغلبيتكم . . على أي حال الموقف الغريب اللى قابلني في حياتي و حبيت أكلمكم عنه النهاردة هو حكاية الناس اللى بتلبس الهدوم بالشقلوب عشان الجب و الشياطين تبعد عنهم .

و الموضوع دة برضة لقيته موروث عن الناس القدام بتوع زمان الله يرحمهم بقى عايشين أو ميتين .

المهم انه حكاية لبس الهدوم بالعكس دي منتشرة في كتير من البيوت العربية مش بس المصرية و لها صدى كبير . . و أنا عن نفسي معرفش السر الأساسي لانتشار الحكاية دي .

لكن كل اللى انا عارفه ان الطريقة دي بيعتقد الناس في انها بتبعد أذية الجن و الشياطين للشخص اللى بيعملها و طبعا الكلام دة كله كلام مالوش أي أساس من الصحة ووجهة نظر أنا نفسي غير مقتنع بيها .

لأن الجن و الشيطان مالوش علاقة انت لابس هدومك ازاى و لابسها صح معدولة ولا مقلوبة بالعكس يعني .

كمان اللى انا اعرفه من خلال تجربتي الحياتية الكبيرة ان الشياطين و التعامل معاهم هو دة الشيء الوحيد اللى بيستلزم من الانسان انه يلبس هدومه بالشقلوب و يعتبر دة من الشروط السفلية اللى السحرة السفليين بيستخدموها لنيل رضا الشياطين . . !

تخيلوا بقى انه لبس الهدوم بالعكس حاجة بتحوز على رضا الشياطين اللى الناس بتعمل كدة أساسا عشان تبعدهم عنها . .